बिडकीन ता. पैठणचे डॉ. हाफिज इमरान यांना आंतरराष्ट्रीय मान – २५ वा ‘बेस्ट कोच अवॉर्ड’ जिंकून भारताचा गौरव!

महाराष्ट्र वाणी न्युज 

पैठण दि १८ :- हैदराबाद येथील गाचीबोवली इनडोअर स्टेडियममध्ये नुकत्याच पार पडलेल्या एशियन आंतरराष्ट्रीय तायक्वांडो चॅम्पियनशिप स्पर्धेत औरंगाबाद जिल्ह्याचे SDPI चे उपाध्यक्ष डॉ. हाफिज इमरान यांना २५ वा आंतरराष्ट्रीय सर्वोत्कृष्ट कोच पुरस्कार जाहीर झाला.

हा पुरस्कार स्पेशल जेस्चर ग्रीन मास्टर जयंंत रेड्डी यांच्या हस्ते डॉ. इमरान यांना प्रदान करण्यात आला. या सोहळ्याला हैदराबादमधील नामांकित मंत्री, मान्यवर व अधिकारी उपस्थित होते.

या यशाबद्दल मलेशिया, थायलंड, स्वित्झर्लंड, रशिया, चीन, कोरिया, कॅनडा, बांग्लादेश, कतार, नेपाळ, ओमान, सौदी अरेबिया, जर्मनी, फ्रान्स, ऑस्ट्रेलिया यांसह ३२ देशांमधून डॉ. हाफिज इमरान यांना शुभेच्छांचा वर्षाव करण्यात आला.

डॉ. इमरान यांनी मिळवलेला हा बहुमान केवळ औरंगाबादचाच नव्हे तर महाराष्ट्र व भारताचा सुद्धा अभिमान वाढवणारा आहे.

✨ महाराष्ट्र वाणी न्यूज – आपल्या बातम्यांचा विश्वासू आवाज!