जवाहरनगर पोलिसांची उत्कृष्ट कामगिरी! 2.75 लाखांचे 11 महागडे मोबाईल जप्त करून मूळ मालकांना परत!

महाराष्ट्र वाणी न्युज

छत्रपती संभाजीनगर(औरंगाबाद) दि २१ जून :- जवाहरनगर पोलिसांनी बाहेरील राज्य व जिल्ह्यातून चोरलेल्या व हरवलेल्या एकूण 2 लाख 75 हजार रुपयांच्या 11 महागड्या मोबाईल फोन परत मिळवून, ते संबंधित तक्रारदारांना त्यांच्या मूळ मालकांच्या हस्ते परत केले. ही संपूर्ण कारवाई CEIR पोर्टलच्या माध्यमातून करण्यात आली.

या मोबाईलमध्ये सॅमसंग गॅलक्सी Z फोल्ड, वन प्लस, विवो, रेडमी, ओपो यांसारख्या नामांकित कंपन्यांच्या मोबाईल्सचा समावेश आहे. तक्रारदारांनी हरवलेले मोबाईल परत मिळाल्याने आनंद व्यक्त केला असून, जवाहरनगर पोलिसांचे आभार मानले आहेत.

मोबाईल जप्तीची प्रक्रिया आणि तपशील :

पोलीस निरीक्षक अशोक शरमाळे यांच्या आदेशानुसार पोलीस अंमलदार मारोती गोरे व डायल-112 टीमने मागील तीन महिन्यांतील तक्रारींचा तपास करत CEIR पोर्टलवरील डेटाच्या आधारे ही मोबाईल जप्ती केली.

अ.क्र. मोबाईल कंपनी व मॉडेल अंदाजित किंमत (₹)

1 Samsung Galaxy ₹25,000

2 Samsung Galaxy Z Fold ₹55,000

3 Vivo ₹25,000

4 OnePlus ₹23,000

5 Oppo ₹18,000

6 Realme ₹21,000

7 Oppo ₹23,000

8 Oppo ₹22,000

9 Redmi ₹20,000

10 Oppo ₹22,000

11 OnePlus ₹21,000

तक्रारदारांचे मनोगत :

– “वाढदिवसासाठी पत्नीने दिलेला मोबाईल पुन्हा मिळाल्याने खूप समाधान वाटते.”

– “EMI वर घेतलेला मोबाईल मिळाल्यामुळे आर्थिक भार हलका झाला.”

– “आई-वडिलांनी दिलेला मोबाईल परत मिळाल्याने आनंदाला पारावर उरला नाही.”

मोबाईल परत सोपविण्याचा सन्मान :

सदर सर्व मोबाईल वरिष्ठ पोलीस निरीक्षक अशोक शरमाळे यांच्या हस्ते संबंधित तक्रारदारांना परत करण्यात आले.

ही संपूर्ण कारवाई पोलीस आयुक्त प्रवीण पवार, पोलीस उप-आयुक्त प्रशांत स्वामी, सहाय्यक पोलीस आयुक्त रणजीत पाटील यांच्या मार्गदर्शनाखाली यशस्वी झाली.

या कामगिरीत पो.अं. वामन नागरे, लंका घुगे, प्रेमा हाके व मारोती गोरे यांचे विशेष योगदान राहिले.