घरच राहिले नाही तर तिरंगा फडकायचा कुठे? — लहु प्रहार संघटनेची मुख्यमंत्र्यांकडे पुनर्वसनाची मागणी

महाराष्ट्र वाणी न्युज 

छत्रपती संभाजीनगर(औरंगाबाद), १३ ऑगस्ट :-  

शहरातील रस्ता रुंदीकरणात घोषित झोपडपट्टीतील गोरगरीब, दलित, वंचित कुटुंबांचे घरे उद्ध्वस्त करण्याआधी त्यांचे अति तात्काळ पुनर्वसन करा, अशी मागणी लहु प्रहार संघटनेने मुख्यमंत्री देवेंद्र फडणवीस यांच्याकडे केली. अन्यथा तीव्र आंदोलनाचा इशारा देण्यात आला आहे.

🔹 पार्श्वभूमी

डॉ. आंबेडकर नगर, संजय नगर, मुकुंदवाडी, हर्सूल-दिक्षाभूमीनगर आदी झोपडपट्ट्या 1983 मध्ये शासनमान्य घोषित झोपडपट्ट्या असून येथे 1972 पासून वंचित समाज वास्तव्य करतो. अनेकांना शासनाने रमाई, एकात्मिक किंवा पंतप्रधान आवास योजनेत घरे दिली आहेत.

🔹 वादाचा मुद्दा

महानगरपालिका 15 ऑगस्टपर्यंत नागरिकांना स्वतःच घर तोडून घेण्याची तोंडी सूचना देत आहे. पावसाळ्यात आणि ‘हर घर तिरंगा’ अभियानाच्या पार्श्वभूमीवर नागरिकांनी विचारले — “घरच राहिले नाही, तर तिरंगा फडकवायचा कुठे?”

🔹 संघटनेच्या प्रमुख मागण्या

1. पुनर्वसनाशिवाय कोणत्याही घोषित झोपडपट्टीतील घरावर कारवाई नको.

2. प्रत्येक कुटुंबाला किमान 600 चौ. फु. मोफत प्लॉट.

3. पंतप्रधान आवास योजनेत घरकुल व पाच लाख भरपाई.

4. रस्ते, वीज, पाणी, शाळा यांसह मूलभूत सुविधा.

🔹 उपस्थित

लहु प्रहार संघटनेचे प्रदेशाध्यक्ष संतोष पवार, कार्याध्यक्ष नितीन आव्हाड, प्रवक्ते मुकेश जाधव आदींसह अनेक पदाधिकारी व नागरिक.

✍️ महाराष्ट्र वाणी — लोकांच्या हक्कासाठी ठाम आवाज!