🌟 ‘मुलगा नाही’ म्हणून हताश होणाऱ्यांसाठी धडा: राणीसावरगावच्या डॉ. रोमा तांबोळीने घेतली केंद्रीय सेवेत झेप! 🌟

महाराष्ट्र वाणी विशेष 

"म्हारी छोरियां छोरों से कम हैं के?" — या एकाच वाक्यात राणीसावरगावच्या डॉ. रोमा मुज़म्मिल तांबोळी यांच्या यशाची कहाणी सामावलेली आहे.

परभणी जिल्ह्यातील गंगाखेड तालुक्यातील एका छोट्याशा राणीसावरगावात मंडप डेकोरेशन व्यवसाय करणारे जनाब मुज़म्मिल तांबोळी. कुटुंबात मुलगा नाही — तीनच मुली. पण तिन्ही मुलींना त्यांनी उच्च शिक्षण देऊन वैद्यकीय क्षेत्रात उभे केले आणि त्या तिन्ही आज ‘डॉक्टर’ म्हणून समाजाची सेवा करत आहेत.

📜 ताज्या यशाची नोंद:

मुज़म्मिल तांबोळी यांची कन्या डॉ. रोमा मुज़म्मिल तांबोळी यांनी संघ लोकसेवा आयोग (UPSC) च्या माध्यमातून केंद्रीय सरकारी आस्थापनेतील वैद्यकीय अधिकारी वर्ग-१ या प्रतिष्ठित पदावर नियुक्ती मिळवली आहे. हा केवळ तिचा नाही, तर संपूर्ण गावाचा आणि जिल्ह्याचा अभिमान आहे.

🎓 शिक्षण आणि जिद्द:

गावात मर्यादित सुविधा असतानाही तांबोळी कुटुंबाने शिक्षणाला प्राधान्य दिले. रोमा आणि तिच्या दोन भगिनींनीही वैद्यकीय क्षेत्रात चमक दाखवली. तिन्ही मुलींचे डॉक्टर होणे ही स्वतःमध्येच दुर्मिळ बाब.

💬 प्रेरणादायी संदेश:

आजही अनेक कुटुंबांमध्ये ‘वंशाला दिवा नाही’ म्हणून हळहळ व्यक्त केली जाते. पण तांबोळी कुटुंबाने सिद्ध केले की मुलगा नाही म्हणून वंश संपत नाही, उलट मुलींचे शिक्षण हेच कुटुंबाच्या आणि समाजाच्या प्रगतीचे खरे दीपस्तंभ ठरू शकते.

🤝 सन्मानाची योजना:

प्राप्त माहितीनुसार, मुस्लिम अधिकार परिषदेच्यावतीने डॉ. रोमा, तिच्या दोन्ही भगिनी व आई-वडिलांचा एकत्रित सन्मान करण्याचा प्रयत्न होणार आहे.

🌸 शुभेच्छा:

मोहतरमा डॉ. रोमा तांबोळी यांचे मनःपूर्वक अभिनंदन! भावी जीवनात आणि कार्यात उज्ज्वल यश लाभो, हीच शुभेच्छा