कन्नड–सोयगाव व वैजापूरमध्ये भाजपची मोठी ताकद वाढली; भरतसिंग राजपूत यांच्यासह विविध पक्षांचे मान्यवर एकाच मंचावर पक्षप्रवेश

महाराष्ट्र वाणी न्युज 

मुंबई दि १८ :- भारतीय जनता पार्टीच्या प्रदेश कार्यालयात आज आयोजित विशेष कार्यक्रमात कन्नड–सोयगाव व वैजापूर विधानसभा मतदारसंघातील विविध पक्षांतील माजी पदाधिकारी, लोकप्रतिनिधी आणि मान्यवरांनी मोठ्या संख्येने भारतीय जनता पार्टीत प्रवेश केला. या प्रवेशामुळे दोन्ही मतदारसंघांतील भाजपची संघटनात्मक क्षमता अधिक मजबूत झाल्याचे पक्ष नेत्यांनी नमूद केले.

या कार्यक्रमाला भाजपा प्रदेशाध्यक्ष श्री. रवींद्र दादा चव्हाण यांची प्रमुख उपस्थिती लाभली. तसेच राज्याचे ओबीसी कल्याण, अपारंपरिक ऊर्जा व पशुसंवर्धन मंत्री श्री. अतुलजी सावे, माजी केंद्रीय अर्थ राज्यमंत्री व खासदार डॉ. भागवत कराड, प्रदेश सरचिटणीस आ. संजय केनेकर, मराठवाडा संघटन मंत्री संजय दादा कोडगे, जिल्हाध्यक्ष संजय खंबायते, प्रदेश सचिव किरण पाटील, शहर जिल्हाध्यक्ष किशोर शितोळे, तसेच जी. बोराळकर, अनिल मकरिये, राजू शिंदे, संदीप ठोंबरे, सुनील जाधव, ज्ञानेश्वर पाटील जगताप, अविनाश पाटील गलांडे, रामभाऊ मुळे, हरीश वाघ आणि कैलास पवार उपस्थित होते.

प्रदेशाध्यक्ष रवींद्र दादा चव्हाण यांच्या हस्ते नवोदित कार्यकर्त्यांचा पक्षप्रवेश सोहळा पार पडला.

या वेळी पक्षात प्रवेश करणाऱ्यांमध्ये प्रमुख:

शिवसेनेचे माजी जिल्हाप्रमुख भरत राजपूत

जिल्हा परिषदेचे माजी समाजकल्याण सभापती धनराज बेडवाल

कृषी व ग्रामीण विकास प्रतिष्ठानचे सचिव राजेश शिवाजीराव बनकर पाटील

काँग्रेसचे माजी तालुकाध्यक्ष धनंजय भास्कर पाटील

डॉ. पुंडलिक महालपुरे

माजी आमदार स्व. आर. एम. वाणी यांचे सुपुत्र सचिन वाणी

शिवसेना शहरप्रमुख, वैजापूर प्रकाश चव्हाण

कृषी उत्पन्न बाजार समितीचे संचालक देविदास वाणी

माजी नगरसेवक लिमेश वाणी

याशिवाय कन्नड–सोयगाव आणि वैजापूर मतदारसंघातील अनेक सरपंच, उपसरपंच आणि स्थानिक लोकप्रतिनिधींनीही आज भाजपची निवड केली.

भव्य स्वागतसोहळ्यात सहभागी झालेल्या पक्ष नेत्यांनी सांगितले की, या प्रवेशामुळे दोन्ही मतदारसंघांत भाजप अधिक बळकट होणार असून आगामी राजकीय समीकरणांवर याचा सकारात्मक परिणाम दिसून येईल.

“नव्या चेहऱ्यांच्या आगमनानं भाजपा संघटनाला मिळालं नवं बळ!”