औरंगाबादच्या बुदोकन परफेक्ट मार्शल आर्ट्स टीमचा ऐतिहासिक पराक्रम! एशियन आंतरराष्ट्रीय तायक्वांदो स्पर्धेत ३ सुवर्ण, २ रौप्य पदकांची कमाई

महाराष्ट्र वाणी न्युज 

हैदराबाद दि १४ :– गाचीबोवली इंडोर स्टेडियम येथे १२ ते १४ सप्टेंबरदरम्यान पार पडलेल्या ओपन एशियन इंटरनॅशनल तायक्वांदो चॅम्पियनशिप २०२५ मध्ये औरंगाबादच्या बुदोकन परफेक्ट मार्शल आर्ट्स टीमने पहिल्याच प्रवेशात शानदार कामगिरी करत ३ सुवर्ण आणि २ रौप्य पदके जिंकून महाराष्ट्राचे नाव उज्ज्वल केले.

ही स्पर्धा तायक्वांदो मास्टर वफा रवि (बंगळूर) यांच्या आयोजनाखाली पार पडली होती. भारत, मलेशिया, बांगलादेश, भूतान, नेपाळ, श्रीलंका, व्हिएतनाम आणि कतार या ८ देशांच्या खेळाडूंनी यात सहभाग नोंदवला होता.

👉 विजेत्यांची कामगिरी :

हुमायून डॉ. हाफिज इमरान – सुवर्ण पदक

सार्तिक कृष्ण राठोड – सुवर्ण पदक

अर्श अनीस शेख – सुवर्ण पदक

फैजान मुजम्मिल तंबोली – रौप्य पदक

अर्श सु्फयान कुरेशी – रौप्य पदक

तसेच, स्पर्धेतील सर्वोत्तम प्रशिक्षकाचा मान मास्टर हाफिज इमरान यांना मिळाला.

औरंगाबादच्या या संघाने आंतरराष्ट्रीय स्तरावर केलेल्या या ऐतिहासिक यशाबद्दल खेळाडूंवर अभिनंदनाचा वर्षाव होत आहे.