इकरा एच. जे. थीम कॉलेजमध्ये ‘नवीकरणीय ऊर्जा स्रोत’ विषयावर एकदिवसीय कार्यशाळा संपन्न

महाराष्ट्र वाणी 

जळगाव दि ३० :- इकरा शिक्षण संस्था संचलित एच. जे. थीम कॉलेज ऑफ आर्ट्स अँड सायन्स, मेहरुण, जळगाव येथील भौतिकी विभागातर्फे दिनांक २९ जानेवारी २०२६ रोजी

“नवीकरणीय ऊर्जा स्रोत : तंत्रज्ञान, आव्हाने व भविष्यकालीन संधी” या विषयावर एकदिवसीय कार्यशाळेचे आयोजन करण्यात आले.

या कार्यशाळेसाठी प्रमुख वक्ते म्हणून डॉ. सुहास पाटील (डॉ. ए. जी. डी. बेंदाले कॉलेज) उपस्थित होते. कार्यक्रमाचे उद्घाटन व प्रास्ताविक डॉ. टी. ए. खान यांनी केले, तर कार्यक्रमाचे स्वागत डॉ. युसूफ पटेल यांनी केले.

कार्यशाळेचा मुख्य उद्देश विद्यार्थ्यांमध्ये व प्राध्यापकांमध्ये नवीकरणीय ऊर्जेच्या क्षेत्रातील अद्ययावत तंत्रज्ञान, सध्याची आव्हाने आणि भविष्यकालीन संधी याबाबत जागरूकता निर्माण करणे हा होता.

कार्यक्रमाच्या शेवटी डॉ. शबाना खाटीक यांनी आभार प्रदर्शन केले. या कार्यशाळेसाठी महाविद्यालयातील प्राध्यापकवर्ग व विद्यार्थी मोठ्या संख्येने उपस्थित होते.

ऊर्जा क्षेत्रातील नवे विचार आणि संधी विद्यार्थ्यांसमोर मांडणारी ही कार्यशाळा प्रेरणादायी ठरली.