राजकारण की माणुसकी? दानवे यांच्या वक्तव्यावरून वादंग

महाराष्ट्र वाणी 

फुलंब्री दि ४ :- राजकीय मतभेद आणि निवडणुका आपल्या जागी असल्या तरी महाराष्ट्राच्या राजकीय संस्कृतीत संकटात सापडलेल्या विरोधकालाही मदतीचा हात देण्याची परंपरा आहे. मात्र माजी केंद्रीय राज्यमंत्री रावसाहेब दानवे यांनी खासदार डॉ. कल्याण काळे यांच्या कौटुंबिक संकटावर केलेल्या उपहासात्मक वक्तव्यामुळे राजकीय वर्तुळात संतापाची लाट उसळली आहे.

फुलंब्री तालुका सोशल मीडिया काँग्रेस कमिटीचे अध्यक्ष बाबूराव पाटील डकले यांनी या वक्तव्याचा जाहीर निषेध नोंदवत दानवे यांना खरमरीत शब्दांत प्रत्युत्तर दिले आहे.

🗣️ “निवडणुका येतील-जातील, पण माणुसकी मोठी!”

डकले म्हणाले,

“दानवे साहेब, निवडणुका येतील आणि जातील, हार-जीत होत राहील. पण एखाद्या लोकप्रतिनिधीचे कुटुंब युद्धजन्य परिस्थितीत परदेशात अडकलेले असताना त्यावर उपहास करणे ही कोणती संस्कृती? संकटात सापडलेल्या व्यक्तीबद्दल सहानुभूती दाखवण्याऐवजी राजकारण शोधणे हे एका ज्येष्ठ नेत्याला शोभा देत नाही.”

त्यांनी पुढे नमूद केले की, केंद्रात मंत्री राहिलेल्या व्यक्तीला परराष्ट्र धोरण आणि युद्धजन्य परिस्थितीतील नियमांची जाणीव असणे अपेक्षित आहे. अशा गंभीर विषयावर थट्टा करणे म्हणजे परदेशात अडकलेल्या प्रत्येक भारतीयाचा आणि त्यांच्या कुटुंबीयांचा अपमान असल्याचे त्यांनी स्पष्ट केले.

🏛️ “पराभवाचा राग खालच्या थराच्या टीकेतून काढू नका”

जालना मतदारसंघाच्या जनतेने दिलेला कौल स्वीकारण्याचा सल्ला देत डकले म्हणाले की,

“जेव्हा एखादा लोकप्रतिनिधी अडचणीत असतो, तेव्हा संपूर्ण मतदारसंघ त्यांच्या पाठीशी उभा असतो. अशा वेळी केलेली नकारात्मक टिप्पणी ही स्वतःचीच राजकीय उंची कमी करणारी ठरते.”

📜 महाराष्ट्राची परंपरा आठवा

महाराष्ट्राच्या राजकारणात वैयक्तिक संकटकाळी विरोधकही मदतीला धावून येण्याची परंपरा असल्याचे सांगताना त्यांनी माजी मुख्यमंत्री यशवंतराव चव्हाण आणि विलासराव देशमुख यांच्या कार्यशैलीचा दाखला दिला.

“संकटकाळात सोबत उभे राहता येत नसेल, तर किमान जखमेवर मीठ चोळण्याचे काम करू नये,” असा टोला त्यांनी लगावला.

❗ निषेधाची मागणी

फुलंब्री तालुका सोशल मीडिया काँग्रेस कमिटीच्या वतीने दानवे यांच्या वक्तव्याचा जाहीर निषेध करण्यात आला असून, राजकारणात प्रगल्भता आणि माणुसकी जपण्याचे आवाहन करण्यात आले आहे.

महाराष्ट्र वाणीशी बोलतांना बाबुराव बकलेल म्हणाले डॉ. कल्याण काळे साहेब सुखरूप असुन माझं त्यांच्याशी बोलणं झालं आहे व ते शुक्रवार सध्यांकाळ पर्यत परत येतील असे सांगितले

📰 राजकारण तापलं असलं तरी माणुसकीचं भान राखणं हीच खरी महाराष्ट्राची ओळख — जनता सर्व पाहतेय!