अब्दुल कय्यूम यांच्याकडे ‘व्हॉईस ऑफ मीडिया’ साप्ताहिक विंगची धुरा

✍️ महाराष्ट्र वाणी 

छत्रपती संभाजीनगर(औरंगाबाद) दि १२:- पत्रकारांच्या अधिकार, सुरक्षा आणि न्यायासाठी कार्यरत असलेल्या आंतरराष्ट्रीय संघटना **‘व्हॉईस ऑफ मीडिया’**च्या साप्ताहिक विंगच्या प्रदेशाध्यक्षपदी अब्दुल कय्यूम अब्दुल रशीद यांची नियुक्ती करण्यात आली आहे. संघटनेचे संस्थापक तथा आंतरराष्ट्रीय अध्यक्ष संदीप काळे यांनी ही नियुक्ती अधिकृतपणे जाहीर केली.

‘व्हॉईस ऑफ मीडिया’ ही संघटना पत्रकारांवर होणाऱ्या अन्यायाविरोधात सातत्याने आवाज उठवत असून पत्रकारांच्या सन्मानासाठी आणि सुरक्षेसाठी देश-विदेशात सक्रियपणे कार्य करत आहे. सध्या संघटनेचे कार्य १२० पेक्षा अधिक देशांमध्ये विस्तारले असून पत्रकारांच्या समस्या आंतरराष्ट्रीय स्तरावर मांडण्याचे महत्त्वाचे कार्य संघटनेमार्फत केले जाते.

नियुक्तीनंतर प्रतिक्रिया देताना अब्दुल कय्यूम यांनी सांगितले की, पत्रकारांवर होणारे हल्ले, धमक्या, दबाव आणि अन्यायाविरोधात संघटना अधिक ठामपणे लढा देईल. ग्रामीण तसेच शहरी भागातील पत्रकारांचे प्रश्न एकत्रितपणे मांडून त्यांना न्याय मिळवून देण्यासाठी साप्ताहिक विंग अधिक सक्षम करण्यात येईल, असा निर्धार त्यांनी व्यक्त केला.

या नियुक्तीबद्दल प्रदेशाध्यक्ष अनिल मस्के, दिव्या भोसले, परवेज खान, पांडुरंग भोंगाने, वामन पाठक, विनोद मोरे यांच्यासह संघटनेच्या पदाधिकाऱ्यांनी अभिनंदन करून पुढील वाटचालीस शुभेच्छा दिल्या.

तसेच किशोर महाजन, मकसूद अन्सारी, सय्यद साबेर, हफीज अली, दिशा सुरवसे पाटील, संजय हिंगोलीकर, रमेश जाबा, गणेश पवार, डॉ. शेख शकील, अजहर चिश्ती यांच्यासह अनेक पत्रकार व मान्यवरांनी या नियुक्तीचे स्वागत केले आहे.

या नेतृत्वामुळे ‘व्हॉईस ऑफ मीडिया’ साप्ताहिक विंगचे कार्य अधिक प्रभावी होऊन पत्रकारांच्या समस्या प्रशासनापर्यंत अधिक ताकदीने पोहोचतील, असा विश्वास संघटनेने व्यक्त केला आहे.

पत्रकारांच्या हक्कांची लढाई आता अधिक बळकट होणार, असा विश्वास व्यक्त होत आहे.