“राजेंद्र बाबू दर्डा यांना इंजिनिअर शेख इफ्तेखार यांनी वाढदिवसाच्या दिल्या शुभेच्छा”

महाराष्ट्र वाणी 

छत्रपती संभाजीनगर( औरंगाबाद) दि २१ :- काँग्रेसचे पदाधिकारी इंजिनिअर शेख इफ्तेखार यांनी लोकमत वृत्तपत्र समूहाचे संपादक-प्रमुख तथा माजी शिक्षण व उद्योग मंत्री राजेंद्र बाबू दर्डा यांना वाढदिवसानिमित्त मनःपूर्वक शुभेच्छा दिल्या आहेत.

दि. २१ नोव्हेंबर २०२५ हा दर्डा यांचा वाढदिवस असून, या निमित्ताने इफ्तेखार यांनी व्यक्त केलेल्या भावना विशेषत्वाने लक्षवेधी ठरल्या. “आपले संपूर्ण आयुष्य समाजकारण, पत्रकारिता आणि जनसेवेला वाहिले गेले आहे. लोकमत समूहाचे संपादक-प्रमुख म्हणून आपण सत्याला आवाज दिलात, तर शिक्षण व उद्योगमंत्री म्हणून अनेक लोकांच्या जीवनाला दिशा दिली. समाजसेवेची आपली नितांत आवड आणि कार्यकर्तृत्व आजही अनेकांना प्रेरणा देते,” असे इफ्तेखार यांनी म्हटले आहे.

राजकीय, सामाजिक आणि पत्रकारिता क्षेत्रात दर्डा यांचे असामान्य योगदान महाराष्ट्र तसेच देशभरात आदराने पाहिले जाते. गरजूंच्या मदतीसाठी सदैव तत्पर राहणाऱ्या दर्डा यांची सेवा–भावना ही नव्या पिढीसाठी आदर्श ठरल्याचेही इफ्तेखार यांनी नमूद केले.

“आपल्या आयुष्याचा हा नवा वर्ष अधिक उज्ज्वल ठरो. आपल्याला उत्तम आरोग्य, कुटुंबासोबत सुख-समाधान लाभो आणि आपल्या सेवाभावी कार्यातून आणखी अनेकांना प्रेरणा मिळो,” अशा भावपूर्ण शब्दांत इंजिनिअर शेख इफ्तेखार यांनी वाढदिवसाच्या शुभेच्छा दिल्या.