जनआक्रोशाची ठिणगी पेटली! तिरंगा व संविधान स्वीकारण्यास RSS ची नकारघंटा –DCPंनी घेतली पुढाकारून स्वीकृती

महाराष्ट्र वाणी न्युज

छत्रपती संभाजीनगर(औरंगाबाद) :- राष्ट्रीय स्वयंसेवक संघाच्या (RSS) विरोधात वंचित बहुजन आघाडीने आज औरंगाबादमध्ये काढलेल्या **‘जनआक्रोश मोर्चा’**मुळे शहरभर तणाव आणि रोषाचे वातावरण निर्माण झाले. पोलिस प्रशासनाने परवानगी नाकारूनही हा मोर्चा हजारोंच्या उपस्थितीत ऐतिहासिक ठरला.

आरएसएसच्या कार्यालयावर मोर्चा पोहोचताच एक नाट्यमय क्षण उभा राहिला. वंचित बहुजन आघाडीच्या वतीने भारतीय संविधान, तिरंगा ध्वज आणि महाराष्ट्र पब्लिक ट्रस्ट ॲक्टच्या प्रती RSS कार्यालयात देण्याचा प्रयत्न करण्यात आला. मात्र RSS अधिकाऱ्यांनी हे स्वीकारण्यास स्पष्ट नकार दिला. अखेरीस उपस्थित डीसीपी यांनी पुढे येत हे दस्तऐवज स्विकारले.

दस्तावेज स्वीकृतीची घटना:

• सुजात आंबेडकर यांनी भारताचा तिरंगा ध्वज सादर केला

• अमित भुईगळ यांनी भारतीय संविधानाची प्रत दिली

• शमीभा पाटील यांनी महाराष्ट्र पब्लिक ट्रस्ट ॲक्टची प्रत दिली

मोर्चात सहभागी नागरिकांनी जोरदार घोषणांनी परिसर दणाणून सोडला –

“भारतीय संविधान जिंदाबाद!”, “तिरंगा आमचा अभिमान!”, तसेच “RSS जवाब दो!” असे नारे सतत दिले जात होते.

सुजात आंबेडकर म्हणाले,

 “संविधान मान्य नसताना देशभक्तीची ढोंगबाजी कशासाठी? आमचा लढा संविधान आणि लोकशाही वाचवण्यासाठी आहे.”

मोर्चा थांबवण्याचा प्रयत्न झाला, पण संघर्ष थांबला नाही – औरंगाबादने दाखवले, आवाज उठला तर बदल अटळ!