आमदार अब्दुल सत्तारांचा मतदारांशी थेट संवाद सिल्लोडमध्ये शिवसेनेच्या प्रचाराला मतदारांचा उत्स्फूर्त प्रतिसाद

आमदार अब्दुल सत्तारांचा मतदारांशी थेट संवाद सिल्लोडमध्ये शिवसेनेच्या प्रचाराला मतदारांचा उत्स्फूर्त प्रतिसाद
आमदार अब्दुल सत्तारांचा मतदारांशी थेट संवाद सिल्लोडमध्ये शिवसेनेच्या प्रचाराला मतदारांचा उत्स्फूर्त प्रतिसाद

महाराष्ट्र वाणी

सिल्लोड दि २३ :- सिल्लोड नगर परिषद सार्वत्रिक निवडणुकीच्या पार्श्वभूमीवर शिवसेना (म.से) नगराध्यक्षपदाचे उमेदवार अब्दुल समीर अ. सत्तार तसेच नगरसेवक पदाचे सर्व अधिकृत उमेदवार यांच्या प्रचारार्थ शहरातील विविध वाडीवस्त्यांमध्ये कॉर्नर बैठकींचे आयोजन करण्यात आले. दिक्षा नगर, रजाळवाडी, पाबळवाडी, खोडकाई वाडी, यशवंत वाडी, डायरेवाडी आणि पंडित वाडी या प्रमुख भागांत या बैठका पार पडल्या.

या कॉर्नर बैठकींना आमदार अब्दुल सत्तार यांनी स्वतः उपस्थित राहून मतदारांशी संवाद साधला. नागरिकांच्या अडचणी, विकासकामांसंबंधी अपेक्षा, स्थानिक प्रश्न यांची माहिती घेत सत्तार यांनी आगामी पाच वर्षांत सिल्लोड शहरासाठी शिवसेनेची ठोस विकासनिश्‍चयाची भूमिका मांडली.

अब्दुल सत्तार म्हणाले,

"सिल्लोडच्या विकासासाठी एकसंध सत्ता आवश्यक आहे. धनुष्यबाण निशाणीवर मतदान करून शिवसेनेचे नगराध्यक्ष आणि सर्व नगरसेवक उमेदवारांना प्रचंड बहुमताने विजयी करा, आम्ही सिल्लोडचा चेहरा बदलून दाखवू."

बैठकीदरम्यान उपस्थित महिलांचा, तरुणांचा व ज्येष्ठ मतदारांचा उत्स्फूर्त सहभाग पाहायला मिळाला. अनेक ठिकाणी नागरिकांनी शिवसेनेच्या उमेदवारांना पाठिंबा दर्शवत विजयी करण्याच्या ग्वाही दिल्या.

संपूर्ण शहरभर रंगतदार प्रचार वातावरण निर्माण झाले असून, या कॉर्नर बैठकींमुळे शिवसेनेला मोठी उर्जा मिळाल्याचे पाहायला मिळत आहे.