“३ हजार कोटींचा घोटाळा!” मेघा इंजिनिअरिंगविरोधात महाविकास आघाडीचा विधानभवन पायऱ्यांवर एल्गार!

महाराष्ट्र वाणी न्युज 

मुंबई दि २ जुलै :- विधिमंडळाच्या पावसाळी अधिवेशनाचा आज तिसरा दिवस असताना विधानभवनाच्या पायऱ्यांवर जोरदार आंदोलनाची नोंद झाली. महाविकास आघाडीच्या आमदारांनी भाजप-शिवसेना (शिंदे गट) सरकारवर “लाडकी कंपनी” मेघा इंजिनिअरिंगला पाठीशी घालण्याचा गंभीर आरोप करत निषेध आंदोलन केले.

या आंदोलनात “३ हजार कोटींचा भ्रष्टाचार करणाऱ्यांचा धिक्कार असो!”, “मेघा पाठीशी घालणाऱ्या सरकारचा धिक्कार असो!” अशा जोरदार घोषणा दिल्या गेल्या.

आघाडीच्या आमदारांनी सांगितले की,

> “मेघा इंजिनिअरिंगला राज्यातील अनेक प्रकल्पांचे काम दिले गेले असून, त्या सर्व ठिकाणी निकृष्ट दर्जाचे काम झाले आहे. तरीही सरकारने त्यांना संरक्षण दिले. यामागे मोठा आर्थिक घोटाळा असून, अंदाजे ३ हजार कोटी रुपयांचा भ्रष्टाचार झाला आहे.”

महाविकास आघाडीने या पार्श्वभूमीवर तत्काळ चौकशी व दोषींवर कठोर कारवाईची मागणी केली आहे.

 शेवटी एवढंच :

निकृष्ट कामांना पाठबळ देणाऱ्या हातांना रोखा, हा आवाज आता विधानभवनाच्या पायऱ्यांवर पोहोचला आहे!