रेकॉर्डवरील मोटारसायकल चोर पकडला; ७ वाहनांसह २ लाख ७० हजारांचा मुद्देमाल जप्त – जवाहरनगर पोलिसांची मोठी कारवाई

महाराष्ट्र वाणी न्युज दि ९ ऑगस्ट

छत्रपती संभाजीनगर(औरंगाबाद) :– रेकॉर्डवरील आरोपीच्या ताब्यातून तब्बल सात चोरीच्या मोटारसायकलसह एकूण २ लाख ७० हजार रुपये किमतीचा मुद्देमाल जप्त करण्यात जवाहरनगर पोलिसांना यश आले आहे. ही कारवाई पोलीस हवलदार सोन पवार आणि त्यांच्या सहकाऱ्यांनी गुप्त माहितीच्या आधारे केली.

प्रकरणाची सुरुवात

दिनांक ५ ऑगस्ट २०२५ रोजी सिग्मा हॉस्पिटल पार्किंग येथून किरण जगन मुंढे (वय २४, रा. कासलीवाल पुरम सोसायटी, चिकलठाणा) यांची होंडा मोपेड स्कूटी (क्र. MII-12-GX-1025) अज्ञात चोरट्याने लंपास केली होती. फिर्यादीने शोध घेतला, मात्र वाहन मिळाले नाही. त्यानंतर ६ ऑगस्ट रोजी जवाहरनगर पोलिस ठाण्यात कलम ३७९ अन्वये गुन्हा दाखल झाला.

गुप्त माहिती आणि आरोपीचा पकड

७ ऑगस्ट रोजी गस्तीदरम्यान पोलिसांना बातमी मिळाली की, एक मोटारसायकल चोर बिड बायपासवरील खडी रोड येथे वाहन विकण्यासाठी येणार आहे. पोलीस निरीक्षक सचिन कुंभार यांच्या मार्गदर्शनाखाली पोलिसांनी सापळा लावून राहुल उर्फ पप्पु बबन राठोड (वय २२, रा. नाईकनगर, बिड बायपास) याला पकडले. चौकशीत त्याने सिग्मा हॉस्पिटलमधील स्कूटी चोरीची कबुली दिली.

सात वाहनांची कबुली

पोलिस कोठडीत पुढील चौकशीत आरोपीने छत्रपती संभाजीनगर शहरासह इतर ठिकाणी एकूण ७ वाहनांची चोरी केल्याचे कबूल केले. यात –

1. मोपेड स्कूटी (MII-12-GX-1025)

2. होंडा III डिलक्स (MII-20-AN-8505)

3. होंडा मोटारसायकल (MII-20-CE-7325)

4. शाईन मोटारसायकल (चेसिस क्र. ME4JC65AHJ7172360)

5. हिरो मोटारसायकल (MIH-20-CM-5278)

6. मोपेड स्कूटी (MH-20-EB-6123)

7. शाईन मोटारसायकल (MII-20-DN-3760)

ही वाहने जवाहरनगर (४), मुकुंदवाडी (१), उस्मानपुरा (१) आणि गेवराई (१) या हद्दीतून चोरीस गेली होती.

गुन्हेगारी रेकॉर्ड

आरोपी राहुल राठोड याच्यावर पुंडलीकनगर पोलीस ठाण्यात चोरीच्या वाहनांबाबत आधीच १० गुन्हे दाखल आहेत.

प्रशासनाचे कौतुक

ही कारवाई पोलीस आयुक्त प्रविण पवार, उपआयुक्त प्रशांत स्वामी, सहाय्यक पोलीस आयुक्त रणजीत पाटील, वरिष्ठ पोलीस निरीक्षक सचिन कुंभार यांच्या मार्गदर्शनाखाली करण्यात आली. अमलदार मपो/रेवती थोरवडे, पोह/सोन पवार, जावेद पठाण, संदीप क्षिरसागर, पोअं/मारोती गोरे, मंगेश घुगे यांनी या कारवाईत मोलाची भूमिका बजावली.

जवाहरनगर पोलिसांच्या या धडाकेबाज कारवाईमुळे वाहनचोरांच्या मनात धसका बसणार, अशी अपेक्षा व्यक्त होत आहे.