🚧 ११ कोटींच्या रस्त्याने अंभई परिसराला नवी दिशा; आ. अब्दुल सत्तार यांच्या हस्ते भव्य उद्घाटन!

महाराष्ट्र वाणी

अंभई (ता. सिल्लोड), दि. ९ :- सिल्लोड–सोयगाव मतदारसंघातील अंभई जिल्हा परिषद गटात विकासाचा नवा टप्पा सुरू झाला असून अंभई–नानेगाव–जंजाळा (ता. सिल्लोड) या सुमारे ११ किलोमीटर लांबीच्या महत्त्वपूर्ण रस्त्याच्या कामाचे उद्घाटन आज आमदार अब्दुल सत्तार यांच्या हस्ते करण्यात आले.

मुख्यमंत्री ग्राम सडक योजनेअंतर्गत साकार होणाऱ्या या रस्त्यासाठी राज्य शासनाने तब्बल ११ कोटी ३७ लाख ५० हजार रुपयांचा निधी मंजूर केला आहे. या कामामध्ये रस्त्याचे रुंदीकरण, मजबुतीकरण आणि काँक्रीटीकरण करण्यात येणार असून त्यामुळे परिसरातील नागरिकांना सुरक्षित, जलद आणि सोयीस्कर प्रवासाची सुविधा उपलब्ध होणार आहे.

या रस्त्यामुळे अंभई, नानेगाव आणि जंजाळा या गावांमधील संपर्क अधिक मजबूत होणार असून शेतकरी, विद्यार्थी व व्यापाऱ्यांना मोठा दिलासा मिळणार आहे. ग्रामीण भागातील वाहतूक सुलभ होऊन स्थानिक अर्थव्यवस्थेलाही चालना मिळेल, असा विश्वास व्यक्त करण्यात आला.

उद्घाटन सोहळ्याच्या अध्यक्षस्थानी जि.प. सदस्य ऍड. अब्दुल आमेर होते. यावेळी जिल्हा बँकेचे चेअरमन अर्जुन पा. गाढे, नगराध्यक्ष अब्दुल समीर, जि.प. सदस्य देविदास पा. पालोदकर, विनोद मंडलेचा, कृ.उ. बा. समितीचे संचालक दामूअण्णा गव्हाणे, सरपंच रामदास दुतोंडे, उपसरपंच रईस देशमुख, मोहसीन देशमुख, रुद्राप्पा नगरे, रब्बानी शाह, सोनसिंग चव्हाण,सय्यद महेमुद, अमोल नगरे, रितेश जैस्वाल, नानेगाव,जंजाळा व अंभई येथील नागरिक, व अभियंता उमेश लिंभारे, मंगेश दापके यांच्यासह स्थानिक पदाधिकारी व गावकरी मोठ्या संख्येने उपस्थित होते.

👉 “रस्ता मजबूत तर गाव मजबूत” — या कामामुळे अंभई परिसराच्या विकासाला आता खऱ्या अर्थाने वेग मिळणार!