"संभाजीनगर दौऱ्यात उपमुख्यमंत्री शिंदे यांचा विकासकामांचा आढावा – पाणीपुरवठा, रस्ते, शेतकऱ्यांना दिलासा यावर भर"

महाराष्ट्र वाणी न्युज 

 छत्रपती संभाजीनगर( औरंगाबाद) दि ९ :- उपमुख्यमंत्री एकनाथ शिंदे दिनांक८ सप्टेबंर रोजी छत्रपती संभाजीनगरच्या दौऱ्यावर आले असता त्यांनी सुरू असलेल्या विविध विकासकामांचा स्थानिक प्रशासनाकडून सविस्तर आढावा घेतला.

आगामी नाशिक कुंभमेळ्याच्या पार्श्वभूमीवर घृष्णेश्वर, शिर्डी व अजंठा येथे सोयी-सुविधा उभारण्यात येतील, असे त्यांनी स्पष्ट केले.

👉 शहरातील रस्ते सुधारण्यासाठी ५ हजार अनधिकृत बांधकामे हटवून ६० मीटर रुंदीचे रस्ते तयार करण्याची योजना आखण्यात आली आहे.

👉 पाणीपुरवठा योजनेत गती देत २६ एमएलडी पाणी उपलब्ध करून देण्यात आले असून, २७४० कोटींच्या प्रकल्पांतर्गत २०० एमएलडी पाणी मिळणार आहे. त्यामुळे शहराला नियमित पाणीपुरवठा सुरू होणार आहे.

👉 शहरातील एसटीपी आणि इटीपी प्रकल्पांना वेग देण्यात येत असून, उद्योगांना पुनर्वापराचे पाणी उपलब्ध करून द्यावे, असेही निर्देश देण्यात आले.

👉 महानगरपालिकेचे उत्पन्न वाढवण्यासाठी विशेष प्रयत्न करावेत, असे निर्देश उपमुख्यमंत्र्यांनी दिले.

👉 नाम फाउंडेशनच्या माध्यमातून मराठवाड्यात शाश्वत गटशेतीला प्राधान्य द्यावे, तसेच पावसामुळे नुकसानग्रस्त शेतकऱ्यांचे पंचनामे करून १५ दिवसांत प्रस्ताव शासनाकडे पाठवावा, असेही त्यांनी सांगितले.

या दौऱ्यात सामाजिक न्यायमंत्री व पालकमंत्री संजय शिरसाट, आमदार प्रदीप जयस्वाल, आमदार प्रा. रमेश बोरनारे, आमदार अर्जुन खोतकर, विभागीय आयुक्त, जिल्हाधिकारी दिलीप स्वामी, महानगरपालिकेचे आयुक्त जी. श्रीकांत, पोलीस आयुक्त प्रवीण पवार तसेच विविध विभागांचे वरिष्ठ अधिकारी उपस्थित होते.

शेवटी, उपमुख्यमंत्र्यांच्या या दौऱ्यामुळे संभाजीनगरच्या विकास योजनांना गती मिळण्याची अपेक्षा व्यक्त केली जात आहे.