“नवजात शिशू सुरक्षितता,प्रत्येक स्पर्शामध्ये, प्रत्येक वेळी प्रत्येक बाळासाठी.’’

महाराष्ट्र वाणी 

छत्रपती संभाजीनगर(औरंगाबाद) दि १९ :- महानगरपालिकेचे मा.आयुक्त तथा प्रशासक जी.श्रीकांत व वैद्यकीय आरोग्य अधिकारी डॉ .पारस मंडलेचा ,प्रभारी वैद्यकीय आरोग्य अधिकारी डॉ.मनीषा भोंडवे यांच्या मार्गदर्शनानुसार आरोग्य विभाग व बालरोग तज्ञ संघटना यांच्या संयुक्त विद्यमाने आज दि. 19.11.2025 रोजी सिडको एन–8 महानगरपालिका रुग्णालयात राष्ट्रीय नवजात शिशू सप्ताह साजरा करण्यात आला.

राष्ट्रीय नवजात शिशू सप्ताह हा 15.11.2025 ते 21.11.2025 या कालावधीमध्ये साजरा केला जातो.

या कार्यक्रमांतर्गत डॉ. आशिष थिटे यांनी उपस्थितांना नवजात बालकांची काळजी कशी घ्यावयाची, कांगारू मदर केअर कशी द्यायची ,त्याचे फायदे व स्तनपानाचे फायदे आणि स्तनपानाच्या वेळी आई व बाळाची स्थिती कशी असावी ,याबाबत सविस्तर माहिती दिली . तसेच नवजात बालकांमधील धोक्याच्या संकेतांबद्दल सुद्धा माहिती दिली जसे की नवजात बालक जर सुस्त झाले असेल,दूध पीत नसेल, लघवीचे प्रमाण कमी झाले असेल ,बाळाचे तळहात किंवा तळपाय पिवळे झाले असतील , नवजात बालकास ताप येत असेल किंवा बाळाचे शरीर थंड पडणे अशी लक्षणे दिसल्यास त्वरित बालरोग तज्ञांचा सल्ला घेणे आवश्यक असल्याचे नमूद केले.

या कार्यक्रमास छत्रपती संभाजीनगर बालरोग संघटनेचे अध्यक्ष डॉ.अभिजीत जोशी, सचिव डॉ .विनोद तोतला,नवजात शिशूतज्ञ डॉ.आशिष थिटे ,सहाय्यक वैद्यकीय आरोग्य अधिकारी डॉ.अमरज्योती शिंदे, महानगरपालिका बालरोग तज्ञ डॉ. मेघा जोगदंड उपस्थित होते.