🟦 एनएसयूआय महाराष्ट्र उपाध्यक्षपदी डॉ. शादाब शेख यांची निवड; इब्राहिम पठान यांच्या हस्ते भव्य सत्कार 🟦

महाराष्ट्र वाणी

छत्रपती संभाजीनगर( औरंगाबाद) दि २० :- एनएसयूआय महाराष्ट्र राज्याचे नवे उपाध्यक्ष म्हणून डॉ. शादाब अब्दुल रहमान शेख यांची निवड झाल्याच्या आनंददायी प्रसंगी वरिष्ठ काँग्रेस नेते इब्राहिम पठान (माजी अध्यक्ष – औरंगाबाद सिटी जिल्हा काँग्रेस कमिटी, उपाध्यक्ष – महाराष्ट्र प्रदेश काँग्रेस कमिटी अल्पसंख्यक विभाग) यांच्या वतीने भव्य सत्कार समारंभाचे आयोजन करण्यात आले.

या कार्यक्रमात विविध क्षेत्रातील मान्यवरांची उपस्थिती लक्षणीय होती. विशेष म्हणजे राजीव गांधी पंचायत राज संघटनेचे सचिव जाकिर भाई, महाराष्ट्र युवा काँग्रेसचे महासचिव इरफान पठान, एससी विभाग औरंगाबादचे अध्यक्ष योगेश थोरात, जनहित संघटनेचे आसिफ भाई, अल्पसंख्यक विभागाचे उपाध्यक्ष सलीम भाई, डॉ. आमेर सोहेल तसेच मौलाना आझाद कॉलेजचे अनेक विद्यार्थी मोठ्या संख्येने उपस्थित राहिले.

सर्व अतिथींनी आपले मनोगत व्यक्त करताना डॉ. शादाब शेख यांचे मनापासून अभिनंदन केले. त्यांच्या नेतृत्वगुणांचे कौतुक करताना भविष्यात संघटनेची ताकद वाढवण्यासाठी ते मोठे योगदान देतील, असा विश्वासही व्यक्त केला.

डॉ. शादाब शेख यांनीही सर्व मान्यवरांचे व उपस्थित विद्यार्थ्यांचे आभार मानत, “ही जबाबदारी माझ्यासाठी सन्मानासोबतच मोठे कर्तव्य आहे. विद्यार्थ्यांच्या हक्कांसाठी, शिक्षणाच्या गुणवत्तेसाठी आणि तरुणांच्या प्रगतीसाठी मी कटिबद्ध राहीन,” असे सांगितले.

— महाराष्ट्र वाणी न्यूज

आपल्या बातम्यांमध्ये सत्य आणि प्रभाव!