नवीन जिल्हाधिकाऱ्यांची खासदार काळेंकडून सदिच्छा भेट; विकासकामांवर भर, तातडीच्या प्रश्नांवर चर्चा

महाराष्ट्र वाणी

छत्रपती संभाजीनगर(औरंगाबाद) दि ५ :- येथे नवीन जिल्हाधिकारी म्हणून विनय गौडा जी.सी. यांची नियुक्ती झाल्यानंतर खासदार डॉ. कल्याण काळे यांनी त्यांची सदिच्छा भेट घेऊन सत्कार केला. या भेटीत जिल्ह्याच्या विकासाशी संबंधित विविध महत्त्वाच्या मुद्द्यांवर सविस्तर चर्चा करण्यात आली.

या चर्चेत रासायनिक खतांचा तुटवडा, विमानतळ विस्तारासाठी आवश्यक जमीन अधिग्रहण प्रक्रिया, दिशा समितीचे प्रलंबित विषय तसेच दिव्यांग विद्यार्थ्यांना CSR फंडातून आर्थिक मदत उपलब्ध करून देण्याबाबत सकारात्मक विचारविनिमय झाला.

यासोबतच चिकलठाणा परिसरातील कबरस्थानासाठी जागा लवकर उपलब्ध करून देणे, शहर व ग्रामीण भागातील पाणीपुरवठ्याचा आढावा घेणे, तसेच सय्यदपूर येथे मागील वर्षी पावसामुळे वाहून गेलेल्या रस्त्याचे काम तातडीने पूर्ण करण्याबाबतही चर्चा झाली. मूलभूत सुविधांच्या उभारणीसाठी प्रशासनाने तत्काळ पावले उचलावीत, अशी अपेक्षा खासदार काळे यांनी व्यक्त केली.

जिल्ह्याच्या सर्वांगीण विकासासाठी प्रशासनाने गतीने काम करावे, असा आशावाद व्यक्त करत ही भेट सकारात्मक आणि परिणामकारक ठरणार असल्याचे संकेत मिळाले.

— “नवीन नेतृत्व, नवी गती; संभाजीनगरच्या विकासाला मिळणार नवा वेग!”