हाजी जुबैर मेमन यांची आझाद समाज पार्टी महाराष्ट्र प्रदेश महासचिवपदी नियुक्ती

महाराष्ट्र वाणी न्युज 

पुणे दि ३१ :- महाराष्ट्र मुस्लिम कॉन्फरन्सचे संस्थापक अध्यक्ष व समाजसेवक हाजी जुबैर मेमन यांची आझाद समाज पार्टीच्या महाराष्ट्र प्रदेश महासचिवपदी नियुक्ती करण्यात आली आहे. पक्षाचे राष्ट्रीय प्रवक्ते (महाराष्ट्र प्रदेश) गौरीप्रसाद उपासक, प्रदेशाध्यक्ष मोनीस साठे आणि युवा अध्यक्ष सुलतान शाह यांच्या हस्ते त्यांना नियुक्तीपत्र प्रदान करण्यात आले.

या प्रसंगी पदाधिकाऱ्यांनी मेमन यांच्या समाजकार्यातील योगदानाची व राजकीय अनुभवाची प्रशंसा केली. त्यांच्या नियुक्तीमुळे महाराष्ट्रात पक्ष अधिक बळकट होईल, असा विश्वास त्यांनी व्यक्त केला.

हाजी जुबैर मेमन यांनी पक्ष नेतृत्वाचे आभार मानत समाजातील सर्व घटकांचा आवाज बुलंद करण्यासाठी आणि सामाजिक न्यायासाठी झटण्याची भूमिका स्पष्ट केली.

समाजातील वंचित घटकांचा आवाज बुलंद करण्यासाठी ही नियुक्ती महत्त्वाची मानली जात आहे.