🧹 पाणचक्की परिसरात विशेष स्वच्छता मोहीम; ३ टन कचरा हटवला

May 31, 2026 - 20:16

🧹 पाणचक्की परिसरात विशेष स्वच्छता मोहीम; ३ टन कचरा हटवला

महाराष्ट्र वाणी

छत्रपती संभाजीनगर(औरंगाबाद ) दि ३१ :- ऐतिहासिक वारसा लाभलेल्या पाणचक्की परिसरात महापालिकेच्या वतीने विशेष स्वच्छता अभियान राबविण्यात आले. दिनांक २९ मे २०२६ रोजी महापालिका आयुक्त अमोल येडगे यांनी परिसराची पाहणी करताना साचलेल्या कचऱ्याची गंभीर दखल घेत तात्काळ स्वच्छतेचे निर्देश दिले होते.

आयुक्तांच्या सूचनेनुसार घनकचरा व्यवस्थापन विभागाने अवघ्या एका दिवसात व्यापक स्वच्छता मोहीम राबवत परिसराचा कायापालट केला. या मोहिमेदरम्यान सुमारे ६० बॅग ओला व प्लास्टिक कचरा संकलित करण्यात आला. अंदाजे २.५ ते ३ टन कचरा हटवून परिसर स्वच्छ करण्यात आला.

घनकचरा व्यवस्थापन विभागाचे प्रमुख नंदकिशोर भोंबे यांच्या मार्गदर्शनाखाली अधिकारी, कर्मचारी आणि स्वच्छता कर्मचाऱ्यांनी ही मोहीम यशस्वीरीत्या पूर्ण केली.

या उपक्रमामुळे ऐतिहासिक पाणचक्की परिसर अधिक स्वच्छ, सुंदर आणि पर्यटकांसाठी आकर्षक बनला असून नागरिकांनीही परिसर स्वच्छ ठेवण्यासाठी सहकार्य करण्याचे आवाहन प्रशासनाने केले आहे.

👉 स्वच्छता हीच सेवा, स्वच्छता हीच जबाबदारी — स्वच्छ, सुंदर आणि हरित छत्रपती संभाजीनगर घडविण्यासाठी प्रत्येक नागरिकाचा सहभाग महत्त्वाचा आहे.

वाचा, शेअर करा आणि आपल्या परिसराच्या स्वच्छतेसाठी पुढाकार घ्या!