अधिकारी रस्त्यावर! सातारा तांडा येथील नागरिकांच्या आक्षेपांची शहानिशा

महाराष्ट्र वाणी 

छत्रपती संभाजीनगर(औरंगाबाद) दि २९ :- प्रारूप मतदार यादीवर आक्षेपांच्या निपटारा करण्यासाठी छत्रपती संभाजीनगर महानगरपालिका आयुक्त तथा प्रशासाक जी श्रीकांत थेट रस्त्यावर उतरून नागरिकांची संवाद साधत आहे.

काल संध्याकाळी आयुक्तांनी प्रभाग क्रमांक सहा आणि तीन येथील रशीद पुरा गणेश कॉलनी या भागातील भेट देऊन प्रारूप मतदार यादी बद्दल नागरिकांचे आक्षेप ऐकून घेतले होते.

आयुक्तांनी प्रत्येक प्राधिकृत अधिकारी यांना सक्त सूचना केली होती की त्यांनी प्राप्त झालेल्या आक्षेपांची स्वतः पडताळणी करणे आणि त्यांच्या खाली नेमून दिलेल्या प्रगणक अधिकारी याच्या पाठपुरावा करून आदल्या दिवशी स्थळ पाहणी आणि पंचनामा करून अहवाल घ्यावे. या सूचनांचा पालन करून दोन्ही अतिरिक्त आयुक्त, सर्व प्राधिकृत अधिकारी आणि प्रगणक अधिकारी फिल्डवर जाऊन स्थळ पाहणी आणि पंचनामे करून आक्षेपांचा निपटारा करत आहे.

उप आयुक्त विकास नवाळे आणि प्राधिकृत अधिकारी संजय कोंबडे व संबंधित प्रगणक अधिकारी व इतर यांनी आज प्रभाग क्रमांक 26 आणि 29 येथील सातारा तांडा या भागात नागरिकांच्या आक्षेप एकूण घेतल्या. 

 प्रत्येक प्राधिकृत अधिकारी यांनी सकाळ, दुपार आणि संध्याकाळ तीन वेळेस बैठका घेऊन आप आपल्या नेमून दिलेल्या प्रभागातील सर्व आक्षेपांची पडताळणी करून आणि पंचनामा करून एका दिवसात प्रारूप मतदार यादीत दुरुस्त्या करावे, असे निर्देश देखील प्रशासकांनी दिले होते. या निर्देशांचे पालन करून सर्व संबंधित अधिकारी प्रारूप मतदार यादीवर आक्षेपांच्या निपटारा एका दिवसात करत आहे.

 प्रारूप मतदार यादीवर आक्षेप दाखल करण्याची तीन डिसेंबर ही शेवटची तारीख आहे.  

राज्य निवडणूक आयोगाच्या निर्देशानुसार महापालिका प्रशासनाने प्रारुप मतदार यादी तायर करुन तिची प्रसिध्दी केली आहे. 

 महापालिका क्षेत्रात छत्रपती संभाजीनगर पूर्व, पश्चिम, मध्य विधानसभा मतदारसंघ येतात, त्याशिवाय फुलंब्री विधानसभा मतदारसंघाचा काही भाग महापालिकेच्या क्षेत्रात येतो.