चिमुकलीवर अत्याचार; क्रांती चौकात महिला काँग्रेसचे आंदोलन – महिलांचा उसळला संताप नराधमाला तात्काळ फाशीची जोरदार मागणी!

महाराष्ट्र वाणी 

छत्रपती संभाजीनगर( औरंगाबाद) दि २१ :- मालेगाव तालुक्यातील डोंगराळे गावातील ४ वर्षांच्या चिमुकलीवर बलात्कार करून तिची निर्घृण हत्या करणाऱ्या नराधमाविरोधात जिल्ह्यात प्रचंड संताप उसळला आहे. या अत्यंत हृदयद्रावक आणि अमानुष कृत्याचा निषेध करण्यासाठी शहरजिल्हा महिला काँग्रेस कमिटीच्या अध्यक्षा कु. दिपाली मिसाळ यांच्या नेतृत्वाखाली आज क्रांती चौकात जोरदार आंदोलन करण्यात आले.

आंदोलनादरम्यान महिला व पुरुष कार्यकर्त्यांनी

“चिमुकलीला न्याय मिळालाच पाहिजे”,

“नराधमाला फाशी द्या”

अशा घोषणा देत परिसर दणाणून सोडला. गुन्हेगाराला तात्काळ अटक करून शक्य तितक्या कठोर कारवाईसह फाशीची शिक्षा देण्यात यावी, अशी मागणी यावेळी झाली.

कार्यक्रमाला इब्राहिम पठाण, प्रदेश डॉ. सरताज पठाण, डॉ. पवन डोंगरे, जयप्रकाश नारनवरे, योगेश थोरात, जयपाल दनवे, रेहाना शेख, रुबिना सय्यद, मंजू लोखंडे, चक्रधर मगरे, मोईद्दीन कुरेशी, इरफान पठाण, वंदना जगताप, लता अक्षय, निर्मला शिखरे, रवी लोखंडे, उषा पगारे, शितल देशमुख, मोहम्मद झाकीर, साहेबराव बनकर, अनुराग दाभाडे, संकेत साळवे, अलका वंजारे आदी मोठ्या संख्येने उपस्थित होते.