🕋 हज-2026 साठी अर्ज प्रक्रिया सुरू – महाराष्ट्र हज समितीकडून यात्रेकरूंना मदतीचा हात!

छत्रपती संभाजीनगर/नागपूर, दि.१० जुलै –

हज-2026 साठी ऑनलाईन अर्ज प्रक्रिया हज कमिटी ऑफ इंडियाने दिनांक 7 जुलै 2025 पासून सुरू केली असून, अर्ज भरण्याची सुविधा अधिकृत संकेतस्थळावर व हज सुविधा मोबाइल ॲपवर उपलब्ध आहे.

महाराष्ट्र राज्यातील इच्छुक हज यात्रेकरूंना अधिक सुलभतेने अर्ज करता यावा यासाठी छत्रपती संभाजीनगर आणि नागपूर येथील हज हाऊसमध्ये विशेष सेवा केंद्रे सुरु करण्यात आली आहेत.

या केंद्रांवर पुढील सुविधा उपलब्ध करून देण्यात येत आहेत:

🔹 हज-2026 मार्गदर्शन

🔹 ऑनलाईन अर्ज भरताना मदत

🔹 कागदपत्रे स्कॅन करून देणे

🔹 20 दिवसांच्या लघु हज यात्रा योजनेसाठी सुविधा

🔹 बँक चालान तयार करून देणे, लसीकरण सुविधा

🔹 निवड झालेल्या यात्रेकरूंची कागदपत्रे मुंबई कार्यालयाकडे पाठवण्यास मदत

अर्जासाठी आवश्यक कागदपत्रे:

1. पासपोर्ट (31 डिसेंबर 2026 पर्यंत वैध)

2. पासपोर्ट साईज रंगीत फोटो (पांढऱ्या पार्श्वभूमीवर)

3. रक्तगट रिपोर्ट (असल्यास सोबत आणावा)

4. बँक पासबुक किंवा कॅन्सल चेक (कव्हर हेडसाठी)

5. पॅन कार्ड व आधार कार्ड

6. वारसाचे नाव व मोबाईल नंबर

7. ओटीपीसाठी कव्हर हेडचा मोबाईल नंबर

संपर्क वेळ:

दररोज सकाळी 10.30 ते सायंकाळी 5.00 वाजेपर्यंत

ठिकाण – हज हाऊस, किले अर्क, व्ही.आय.पी. रोड, छत्रपती संभाजीनगर व हज हाऊस, नागपूर

या उपक्रमाबद्दल महाराष्ट्र राज्य हज समितीचे अध्यक्ष श्री आसिफ उस्मान खान यांनी अल्पसंख्याक कार्यमंत्री श्री किरण रिजिजू यांचे विशेष आभार मानले आहेत.

 हज 2026 च्या यात्रेसाठी तयारी करा – महाराष्ट्र हज समिती आपल्यासोबत आहे!