आपची पुणे मनपासाठी उमेदवारांची पहिली यादी जाहीर!

महाराष्ट्र वाणी 

पुणे (प्रतिनिधी) दि १७ :- महानगरपालिका निवडणुकांची घोषणा होऊनही प्रस्थापित राजकीय पक्षांमध्ये अद्याप जागावाटप व युतीच्या चर्चा सुरू असतानाच आम आदमी पार्टीने (आप) पुणे शहरासाठी आपल्या अधिकृत उमेदवारांची पहिली यादी जाहीर करत निवडणूक रणधुमाळीत आघाडी घेतली आहे.

आप पुणे शहर समितीने आयोजित पत्रकार परिषदेत महानगरपालिका निवडणूक २०२५–२६ साठी २५ उमेदवारांची पहिली यादी जाहीर केली.

यावेळी बोलताना आपचे राज्य प्रवक्ते मुकुंद किर्दत म्हणाले,

“गेल्या तीन वर्षांपासून पुणे महानगरपालिकेच्या निवडणुका प्रलंबित होत्या. प्रशासकीय राजवटीत मनमानी निर्णय, नियोजनाचा अभाव आणि नागरिकांच्या समस्यांकडे दुर्लक्ष पुणेकरांनी अनुभवले. सांस्कृतिक व शैक्षणिक शहर म्हणून ओळख असलेले पुणे आज गुन्हेगारी, अपघात आणि असुरक्षिततेच्या बातम्यांमुळे चर्चेत आहे.”

ते पुढे म्हणाले,

“पुणेकरांना आता बदल हवा आहे आणि हा बदल आम आदमी पार्टी एक सक्षम पर्याय म्हणून देणार आहे. पक्ष पुण्यात स्वतंत्रपणे निवडणूक लढवणार असून वाहतूक कोंडी, आरोग्य सुविधा, दर्जेदार शिक्षण आणि भयमुक्त पुणे या मूलभूत मुद्द्यांवर प्रचार केला जाईल.”

भाजप, काँग्रेस, राष्ट्रवादी व शिवसेना यांसारख्या प्रस्थापित पक्षांच्या राजकीय रणधुमाळीत स्वच्छ प्रतिमा, प्रामाणिक व इमानदार राजकारणाचा दावा करणाऱ्या आम आदमी पार्टीला पुणेकर कसा प्रतिसाद देतात, याकडे आता सर्वांचे लक्ष लागले आहे.

पुणे महानगरपालिकेसाठी आपचे अधिकृत उमेदवार – पहिली यादी

1. सौ. शितल कांडेलकर – प्रभाग 3 (अ), ओबीसी महिला

2. श्री संतोष काळे – प्रभाग 5 (अ), ओबीसी सर्वसाधारण

3. सौ. श्रद्धा शेट्टी – प्रभाग 6 (अ), अनुसूचित जाती

4. श्री शंकर थोरात – प्रभाग 7 (ड), सर्वसाधारण

5. श्री विकास चव्हाण – प्रभाग 8 (अ), अनुसूचित जाती

6. अ‍ॅन. अनिश – प्रभाग 8 (क), सर्वसाधारण महिला

7. श्री सुदर्शन जगदाळे – प्रभाग 9 (ड), सर्वसाधारण

8. सौ. आरती करंजावणे – प्रभाग 10, सर्वसाधारण महिला

9. अ‍ॅड. कृणाल घारे – प्रभाग 10 (ड), सर्वसाधारण

10. अ‍ॅड. दत्तात्रय भांगे – प्रभाग 11 (ड), सर्वसाधारण

11. श्री समीर आरवडे – प्रभाग 19 (क), सर्वसाधारण

12. सौ. मधू किरण कांबळे – प्रभाग 22 (अ), अनुसूचित जाती महिला

13. श्री उमेश बागडे – प्रभाग 23 (अ), अनुसूचित जाती

14. सौ. विजया किरण कद्रे – प्रभाग 23 (ब), ओबीसी महिला

15. श्री निरंजन अडागळे – प्रभाग 26 (अ), अनुसूचित जाती

16. श्री अनिल कोंढाळकर – प्रभाग 27 (ड), सर्वसाधारण

17. अ‍ॅड. अमोल काळे – प्रभाग 31 (ड), सर्वसाधारण

18. श्री निलेश वांजळे – प्रभाग 32 (ड), सर्वसाधारण

19. सौ. सुरेखा भोसले – प्रभाग 32 (क), सर्वसाधारण महिला

20. श्री रमेश मते – प्रभाग 33 (ड), सर्वसाधारण

21. श्री धनंजय बेनकर – प्रभाग 34 (अ), ओबीसी सर्वसाधारण

22. श्री कुमार धोंगडे – प्रभाग 39 (ड), सर्वसाधारण

23. श्री गजानन भोसले – प्रभाग 40 (ड), सर्वसाधारण

24. सौ. प्रिया निलेश कांबळे – प्रभाग 14 (अ), अनुसूचित जाती महिला

25. श्री प्रशांत कांबळे – प्रभाग 38 (इ), सर्वसाधारण

👉 स्वच्छ राजकारणाचा दावा करणारी ‘आप’ पुणेकरांच्या अपेक्षांवर खरी उतरते का, याचा फैसला आता मतदारच करणार!